أسئلة شائعة ونصائح وملاحظات لزيارة باريس:
1- ليش حطيتولها 10 أيام، وهل تستاهل 10 أيام؟
لإنهاء بعض الأمور المتعلقة بـ أبو الشباب، وثانيا لا يوجد
خطة مستقبلية لزيارتها مجددا. قررنا نطول فيها، وزيارتك لباريس يعتمد ع الأماكن اللي تريد تزورها! هل أنت من عشاق الفن؟ اذا عندك مليون متحف يالله متى بتخلصهن؟ وكم يوم يحتاجلك؟
2- كم كلفتكم الرحلة كامل؟
كلفتنا 2500 ريال بالضبط.
3- كيف اخترتوا الفنادق؟
حسب التوصيات ف موقع بوكينج، اختيار عشوائي.
4- هل باريس مزدحمة في أغسطس ووقت اجازات حول العالم!
نعم الأماكن السياحية زحمة جدا طوابير بالآلاف ! لكن الشوارع ليست مزدحمة لذيك الدرجة اللي تتخيلها. الشوارع شبه فاضية ما مثل السنةالماضية لما شتوتجارت
وسترازبورغ كانن مزدحمات بكثير وكثير عن باريس!!!
مسقط مزدحمة أكثر من باريس!
وطبعا ف باريس ما تحتاج لسيارة لسبيين:
- مترو باريس يغنيك عن كل وسيلة تنقل ! وأرخص وأسرع
- البترول غالي عندهم
-التاكسي غالي
4- هل استخدام المترو معقد؟
أبدا! اللي رايح باريس جاهز مجهز ما بيشوف تعقيد. وماشي اسمه القطار تأخر. القطار يمر كل دقيقتين ع المترو. ويفتحلك الباب لمدة 5 ثواني
ويغلق بسرعة. خليكم سريعين جدا
5- غلطنا ف مسار مترو ف يوم من الأيام؟
كنت ما أحب أسأل الرايح والجاي عن مكان القطار ورقمه لأني أحب أتعلم بنفسي لذلك
نعم غلطنا كم مرة وكانت الأمور طيبة، واذا غلطت ما بتضيع ف باريس بتحصل مليون محطة مترو ههههه
6- أين أنسب مكان للسكن ؟ شارع الشانزلزيه أم منطقة اللاديفانس الحديثة؟
كل شخص وتفكيره. إذا تريد تكون على مقربة من أكبر المحلات والمطاعم توجه للشانزلزيه، وإذا تريد منطقة هادية وارخص بكثيـــــــــــــــــــــــــر من شارع الشانز ف توجه للاديفانس وعموما في كل الأحوال المترو يخليك قريب من كل شي لا تحاتي.
7- أفضل مكان لحجز تذاكر ديزني؟
أفضل شي أونلاين، واذا ما تعرف خذ تذاكر من فندق يوفرهن. واختار التذاكر اللي فيهن فاست باس عشان ما تصف طوابير طويلة.
8- كيف يشتغل الفاست باس؟
جنب كل لعبة تحصل مكينة تسوي فيها
سكان للتذكرة وتعطيك وقت محدد عشان تجي تلعب اللعبة، الوقت يمكن بعد نص س أو 3 أ و 4 ساعات حسب الزحمة عندهم!
9- اذا شفت طوابير طويلة ع لعبة هل اصف معاهم أم أتحبط؟
اذا كنت ف البارك اقولك تراجع، اللعبة ما من غواتها
واذا كنت ف الاستوديو اقولك صف معاهم! ع الاغلب بتصف لمدة ساعة وربع لحدما يجي دورك، الاستوديو ممتع لمن هم في سن المراهقة
واذا عندك ميزة الفاست باس، أول ما توصل الستوديو بالصبح روح سوي سكان ع كل مكاين الفاست باس عشان ما يعطوك وقت متأخر وكذا تقدر تستغل وقتك بالشكل الصحيح.
10- هل اللغة العربية مفهومة ف باريس؟
إلى حد ما لكثرة العرب فيها، ولكن بتحتاج الإنجليزية بكل تأكيد.
11- كم يوم يكفي لديزني لاند؟
بالنسبة لي شخصيا أشوفها تكفيها يوم وحدة فقط لزيارة الاستوديو أما البارك ، طوابير طويلة لمدة ساعة
ولعبة لمدة دقيقة فقط ! لا فائدة من زيارتها
12- هل يفضل أروح ديزني لاند وقصر فرساي بالتاكسي؟
لا طبعا لأن التكاسي غالية جدا! أفضل شي تأخذ تذاكر قطار الرير (قصر فرساي وديزني يعتبرن مناطق ريفية ف باريس لذلك لمترو ما يوصلهم، ولكن ديزني اذا مقرر تبات فيها وترجع باريس مرة ثانية فـ نصيحة لا تشل كامل اغراضك معك لان الحقايب بتقتلك من التعب ف التنقل)
13- هل كانت هذي المدة كافية لزيارة باريس؟
إلى حد ما نعم كافية، على الأقل زرنا معظم المعالم المشهورة، وكثير أماكن كنسلناها لأن الوقت يجري بسرعة وما نلحق نوزرها ولكن كنا نمر من جانبها ونصورها.
نصائح:
- تجنب المطاعم الـ غير حلال لأنك ما تعرف أنواع الأجبان والزبدة.
- لا بد يكون عندك برنامج RATP لمترو باريس عشان يسهل عليك فهم المسار.
- اذا تريد تعرف أماكن المطاعم والمعالم السياحية نزل عندك برنامج SYGIC يغنيك عن كل موقع
- ضروري تشتري شريحة نت لاستخدام البرامج، سيجك يشتغل أوفلاين ولكن أحيانا بتحتاج جوجل ماب.
- انتبه لأطفالك، لا توقف للشحاتين ع الشارع، ولا تكلم احد اذا ناداك، ولا تأخذ ولا تعطي شي ف باريس، واذا ركضوا وراك لا تعطيهم فيس أبدا، اللي يطلب فلوس لا تعطيه، حاول لا تشتري شي من اللي يبيعوا ع الشارع!
- انتبه لحقايبك داخل المترو، لا تأخذ معك أكثر من حقيبة للأكل أما غوازيك خليهم داخل جيبك .
- ف القطارات والباصات تذكر دائما: الأولوية للأطفال وكبار السن، استغنى عن مقعدك قدر الإمكان عشان ما تكون وقح.
- ابتسم دائما للجميع فالفرنسيـين يحبوا الابتسامة والتحية شي ضروري عندهم، ودائما يساعدوك اذا احتجت شي.
- قبل التوجه لشراء تذاكر المترو انتبه ضروري تعرف أي نوع من التذاكر انت تريد وتعرف أسعارهم عشان ما يقسوا عليك. مثلا قولهم اريد تذكر الرير لديزني اللي بـ 16 يورو. كذا واضح وعارف التذكرة وقيمتها. ما تقولهم اريد اروح ديزني وتسكت.
- بعدما تخلص وجبتك ف مطعم لا تحط الطاولة بأوساخها. ما عندهم نظام انا انظفلك طاولتك بعدما تنتهي. تشل الصينية وتحطها ف المكان المخصص. وتقولهم ميغسي باي باي لا تنسى تشكرهم ضروري الاحترام.
- قدر الإمكان لا تشل واجد أغراض للسفر، قلل من الملابس ما لازم كل يوم ولبسة جديدة ! وتقدر تغسل الملابس ف الفندق أو اقرب مغسلة ملابس. نصيحة مهمة خصوصا للي عنده أطفال قلل قلل قلل من ثقل الحقائب.
شقت جملة مكتوبه ع ملصق ف باريس عجبتني مكتوب فيها
smart travelers do not take heavy bags
بالفعل تمنيت إني ما مجهزة عشرين لبسة ههههههههه
-لما تطلع تتمشى الفلوس حطهم ف خزنة الفندق. وشل ف الجيب مبلغ قليل اذا احتجت شي.
-احترم الطوابير ف كل مكان تروحه. حتى ف دورات المياه الطابور هذا شي مقدس عندهم لا تخترق قانونه.
- ارتدي أحذية رياضية مريحة لأنك بتمشي مسافات طويلة وتوقف في طوابير طويلة. لراحتكن صبايا لا تلبسن نعلان كعب وأنتن رايحات سياحة. هههههه
- الأغراض الثمينة والمجوهرات بأنواعن لا تشلهن معك باريس خلوهن ف البيت.
- لا تنس تعبي ماي ف عبوات مخصصة قبل لا تطلع من الفندق عشان ما تخسر فلوسك كلها وانت تشتري ماي لأنه غالي.
- فكرة الباص الأحمر ممتازة إذا كانت زيارتك لباريس لا تتعدى 4 أيام. أما في حالتنا (لأنها أول زيارة لباريس) لو يرجع الوقت للورا ما كنت بخذ الباص الأحمر لأن المترو أرخص بكثير ويوصلني للمكان اللي اريده.
أتمنى لكم رحلات سعيدة وموفقة ^_^
1- ليش حطيتولها 10 أيام، وهل تستاهل 10 أيام؟
لإنهاء بعض الأمور المتعلقة بـ أبو الشباب، وثانيا لا يوجد
خطة مستقبلية لزيارتها مجددا. قررنا نطول فيها، وزيارتك لباريس يعتمد ع الأماكن اللي تريد تزورها! هل أنت من عشاق الفن؟ اذا عندك مليون متحف يالله متى بتخلصهن؟ وكم يوم يحتاجلك؟
2- كم كلفتكم الرحلة كامل؟
كلفتنا 2500 ريال بالضبط.
3- كيف اخترتوا الفنادق؟
حسب التوصيات ف موقع بوكينج، اختيار عشوائي.
4- هل باريس مزدحمة في أغسطس ووقت اجازات حول العالم!
نعم الأماكن السياحية زحمة جدا طوابير بالآلاف ! لكن الشوارع ليست مزدحمة لذيك الدرجة اللي تتخيلها. الشوارع شبه فاضية ما مثل السنةالماضية لما شتوتجارت
وسترازبورغ كانن مزدحمات بكثير وكثير عن باريس!!!
مسقط مزدحمة أكثر من باريس!
وطبعا ف باريس ما تحتاج لسيارة لسبيين:
- مترو باريس يغنيك عن كل وسيلة تنقل ! وأرخص وأسرع
- البترول غالي عندهم
-التاكسي غالي
4- هل استخدام المترو معقد؟
أبدا! اللي رايح باريس جاهز مجهز ما بيشوف تعقيد. وماشي اسمه القطار تأخر. القطار يمر كل دقيقتين ع المترو. ويفتحلك الباب لمدة 5 ثواني
ويغلق بسرعة. خليكم سريعين جدا
5- غلطنا ف مسار مترو ف يوم من الأيام؟
كنت ما أحب أسأل الرايح والجاي عن مكان القطار ورقمه لأني أحب أتعلم بنفسي لذلك
نعم غلطنا كم مرة وكانت الأمور طيبة، واذا غلطت ما بتضيع ف باريس بتحصل مليون محطة مترو ههههه
6- أين أنسب مكان للسكن ؟ شارع الشانزلزيه أم منطقة اللاديفانس الحديثة؟
كل شخص وتفكيره. إذا تريد تكون على مقربة من أكبر المحلات والمطاعم توجه للشانزلزيه، وإذا تريد منطقة هادية وارخص بكثيـــــــــــــــــــــــــر من شارع الشانز ف توجه للاديفانس وعموما في كل الأحوال المترو يخليك قريب من كل شي لا تحاتي.
7- أفضل مكان لحجز تذاكر ديزني؟
أفضل شي أونلاين، واذا ما تعرف خذ تذاكر من فندق يوفرهن. واختار التذاكر اللي فيهن فاست باس عشان ما تصف طوابير طويلة.
8- كيف يشتغل الفاست باس؟
جنب كل لعبة تحصل مكينة تسوي فيها
سكان للتذكرة وتعطيك وقت محدد عشان تجي تلعب اللعبة، الوقت يمكن بعد نص س أو 3 أ و 4 ساعات حسب الزحمة عندهم!
9- اذا شفت طوابير طويلة ع لعبة هل اصف معاهم أم أتحبط؟
اذا كنت ف البارك اقولك تراجع، اللعبة ما من غواتها
واذا كنت ف الاستوديو اقولك صف معاهم! ع الاغلب بتصف لمدة ساعة وربع لحدما يجي دورك، الاستوديو ممتع لمن هم في سن المراهقة
واذا عندك ميزة الفاست باس، أول ما توصل الستوديو بالصبح روح سوي سكان ع كل مكاين الفاست باس عشان ما يعطوك وقت متأخر وكذا تقدر تستغل وقتك بالشكل الصحيح.
10- هل اللغة العربية مفهومة ف باريس؟
إلى حد ما لكثرة العرب فيها، ولكن بتحتاج الإنجليزية بكل تأكيد.
11- كم يوم يكفي لديزني لاند؟
بالنسبة لي شخصيا أشوفها تكفيها يوم وحدة فقط لزيارة الاستوديو أما البارك ، طوابير طويلة لمدة ساعة
ولعبة لمدة دقيقة فقط ! لا فائدة من زيارتها
12- هل يفضل أروح ديزني لاند وقصر فرساي بالتاكسي؟
لا طبعا لأن التكاسي غالية جدا! أفضل شي تأخذ تذاكر قطار الرير (قصر فرساي وديزني يعتبرن مناطق ريفية ف باريس لذلك لمترو ما يوصلهم، ولكن ديزني اذا مقرر تبات فيها وترجع باريس مرة ثانية فـ نصيحة لا تشل كامل اغراضك معك لان الحقايب بتقتلك من التعب ف التنقل)
13- هل كانت هذي المدة كافية لزيارة باريس؟
إلى حد ما نعم كافية، على الأقل زرنا معظم المعالم المشهورة، وكثير أماكن كنسلناها لأن الوقت يجري بسرعة وما نلحق نوزرها ولكن كنا نمر من جانبها ونصورها.
نصائح:
- تجنب المطاعم الـ غير حلال لأنك ما تعرف أنواع الأجبان والزبدة.
- لا بد يكون عندك برنامج RATP لمترو باريس عشان يسهل عليك فهم المسار.
- اذا تريد تعرف أماكن المطاعم والمعالم السياحية نزل عندك برنامج SYGIC يغنيك عن كل موقع
- ضروري تشتري شريحة نت لاستخدام البرامج، سيجك يشتغل أوفلاين ولكن أحيانا بتحتاج جوجل ماب.
- انتبه لأطفالك، لا توقف للشحاتين ع الشارع، ولا تكلم احد اذا ناداك، ولا تأخذ ولا تعطي شي ف باريس، واذا ركضوا وراك لا تعطيهم فيس أبدا، اللي يطلب فلوس لا تعطيه، حاول لا تشتري شي من اللي يبيعوا ع الشارع!
- انتبه لحقايبك داخل المترو، لا تأخذ معك أكثر من حقيبة للأكل أما غوازيك خليهم داخل جيبك .
- ف القطارات والباصات تذكر دائما: الأولوية للأطفال وكبار السن، استغنى عن مقعدك قدر الإمكان عشان ما تكون وقح.
- ابتسم دائما للجميع فالفرنسيـين يحبوا الابتسامة والتحية شي ضروري عندهم، ودائما يساعدوك اذا احتجت شي.
- قبل التوجه لشراء تذاكر المترو انتبه ضروري تعرف أي نوع من التذاكر انت تريد وتعرف أسعارهم عشان ما يقسوا عليك. مثلا قولهم اريد تذكر الرير لديزني اللي بـ 16 يورو. كذا واضح وعارف التذكرة وقيمتها. ما تقولهم اريد اروح ديزني وتسكت.
- بعدما تخلص وجبتك ف مطعم لا تحط الطاولة بأوساخها. ما عندهم نظام انا انظفلك طاولتك بعدما تنتهي. تشل الصينية وتحطها ف المكان المخصص. وتقولهم ميغسي باي باي لا تنسى تشكرهم ضروري الاحترام.
- قدر الإمكان لا تشل واجد أغراض للسفر، قلل من الملابس ما لازم كل يوم ولبسة جديدة ! وتقدر تغسل الملابس ف الفندق أو اقرب مغسلة ملابس. نصيحة مهمة خصوصا للي عنده أطفال قلل قلل قلل من ثقل الحقائب.
شقت جملة مكتوبه ع ملصق ف باريس عجبتني مكتوب فيها
smart travelers do not take heavy bags
بالفعل تمنيت إني ما مجهزة عشرين لبسة ههههههههه
-لما تطلع تتمشى الفلوس حطهم ف خزنة الفندق. وشل ف الجيب مبلغ قليل اذا احتجت شي.
-احترم الطوابير ف كل مكان تروحه. حتى ف دورات المياه الطابور هذا شي مقدس عندهم لا تخترق قانونه.
- ارتدي أحذية رياضية مريحة لأنك بتمشي مسافات طويلة وتوقف في طوابير طويلة. لراحتكن صبايا لا تلبسن نعلان كعب وأنتن رايحات سياحة. هههههه
- الأغراض الثمينة والمجوهرات بأنواعن لا تشلهن معك باريس خلوهن ف البيت.
- لا تنس تعبي ماي ف عبوات مخصصة قبل لا تطلع من الفندق عشان ما تخسر فلوسك كلها وانت تشتري ماي لأنه غالي.
- فكرة الباص الأحمر ممتازة إذا كانت زيارتك لباريس لا تتعدى 4 أيام. أما في حالتنا (لأنها أول زيارة لباريس) لو يرجع الوقت للورا ما كنت بخذ الباص الأحمر لأن المترو أرخص بكثير ويوصلني للمكان اللي اريده.
أتمنى لكم رحلات سعيدة وموفقة ^_^
ليست هناك تعليقات:
إرسال تعليق